Жүк сақтандыру -құнды мүліктің тасымалдау кезінде зақымдануы немесе жоғалуы қаупі бар кез келген бизнес саласында қажеттілік болып табылады. Себебі жолда түрлі төтенше жағдайлар болуы мүмкін -кішігірім зақымдардан бастап ірі апаттарға дейін, мысалы, «Горно-рудные технологии» ЖШС-нің жағдайындағыдай.

Nomad Insurance сақтандыру компаниясы 2024 жылдың 30 наурызында Ресейдің Иркутск облысында болған жол-көлік оқиғасында зақымданған Komatsu карьер техникасына 511 миллион теңге көлемінде сақтандыру өтемақысын төледі. Оқиға кезінде екі Komatsu HD 785-7 карьерлік самосвалының шассилерін тасымалдайтын көлік қатысып, жүк айтарлықтай зақымданды. ТОО «Горно-рудные технологии» компаниясы Nomad Insurance сақтандыру компаниясында жүк сақтандыру тәуекелдерін сақтандырғандықтан, сақтандыру төлемі жасалды.

«Nomad Insurance 20 жыл ішінде жүк сақтандыру бойынша 2,7 миллиард теңгеден астам өтемақы төлеп, осы саладағы тәжірибеміз бен сенімділігімізді дәлелдеді. 2024 жылғы 1 тамыздағы Ұлттық банк деректері бойынша, біз осы сегментте сақтандыру сыйлықақыларын жинау бойынша нарықта екінші орында тұрмыз. Нарықтағы көрсеткіштеріміздің практикада да расталып, клиенттерімізге қиын жағдайларда көмектесіп жатқанына қуаныштымыз», -деді Nomad Insurance PR директоры Шакир Иминов.