2024 жылдың алғашқы жартыжылдығындағы күрделі жағдайларға қарамастан, Қазақстандағы «жалпы сақтандыру» саласындағы сақтандыру нарығы тұрақты өсімді көрсетуде. Көрсеткіштердің басым бөлігі оң динамиканы көрсетеді, бұл кез келген акционерлік қоғам үшін бизнесін дамытуға, капиталын арттыруға және қазіргі мен болашақтағы міндеттемелерін орындауға жеткілікті резервтер қалыптастыруға қажетті негізгі фактор болып табылады.

Қазақстан Ұлттық Банкінің деректеріне сәйкес, жалпы сақтандыру сегментінде өткен жылдың осы кезеңімен салыстырғанда 15 сақтандырушының сақтандыру сыйлықақылары 736 миллион теңгеге артқан. Бұл сақтандыру қызметтеріне сұраныстың өскенін білдіреді. Алайда, одан да маңыздысы – сақтандыру төлемдерінің 7,6 миллиард теңгеге өсуі. Мұндай өсім сақтандыру жағдайлары санының артуымен немесе бір жағдай бойынша төлем мөлшерінің ұлғаюымен байланысты болуы мүмкін. Сонымен қатар, бұл сегменттегі сақтандырушылар саны 2023 жылмен салыстырғанда 16-дан 15-ке дейін азайғанын ескеру қажет.

Бірнеше жыл қатарынан Nomad Insurance сақтандыру нарығында әсерлі өсімді көрсетіп келеді. 2024 жылғы 1 шілдедегі реттеуші деректеріне сәйкес, компания жалпы сақтандыру сегментінде 36,5 миллиард теңгеге жуық сақтандыру сыйлықақыларын жинап, үшінші орынды иеленіп отыр. Бұл көрсеткіш өткен жылдың осы кезеңімен салыстырғанда 141%-ға жоғары.

Сақтандыру сыйлықақыларымен қатар сақтандыру төлемдерінің де артуы байқалады. 2024 жылдың алғашқы жартыжылдығында Nomad Insurance өз клиенттеріне 6,4 миллиард теңгеге жуық сақтандыру төлемін жүзеге асырған. Бұл өткен жылмен салыстырғанда 138%-ға артық. Мұндай өсім клиенттердің компанияға деген сенімінің артқанын және Nomad Insurance-тің олардың сақтандыру тәуекелдерін өз мойнына алуға дайын екендігін білдіреді.

«Жалпы алғанда, бұл көрсеткіштер жалпы сақтандыру сегментінің серпінді дамып жатқанын көрсетеді. Сақтандыру сыйлықақылары мен төлемдерінің өсуі сақтандыру қызметтеріне деген сұраныстың артқанын білдіреді, ал нарықтың шоғырлануы оның тұрақтылығы мен бәсекеге қабілеттілігін арттырады», – деді Nomad Insurance PR директоры Шакир Иминов.

Анықтама:

Nomad Insurance сақтандыру компаниясы 2004 жылдың қаңтарында құрылған. «Жалпы сақтандыру» саласы бойынша сақтандыру (қайта сақтандыру) қызметін жүзеге асыру құқығына ие №2.1.18 лицензиясы бар. Компания Қазақстанның 3 республикалық маңызы бар қаласында және 17 облысында өкілдікке ие. Жыл сайын ISO 9001:2015 сертификатын сәтті растап отырады. Standard & Poor’s агенттігінің халықаралық рейтингіне ие: BB+, болжамы – «Тұрақты», ұлттық шкала бойынша несиелік рейтинг – kzAA.