03.09.2020

БАЛА ҚАУІПСІЗДІГІ АТА-АНАНЫҢ ҚОЛЫНДА!

ҚР Бас Прокуратурасының мәліметінше карантин кезінде орын алған жол-көлік оқиғаларының саны биылғы жылдардағы дәл осы уақыт аралығындағымен салыстырғанда едәуір азайған. Десе де, жыл басынан бері елімізде 7341 жол-көлік оқиғасы тіркелген, 2585-і жаяу жүргіншілердің қатысуымен болған. Салдарынан 9556 адам зардап шегіп, 1051 адам көз жұмған.

2019 жылы «Номад Иншуранс» СК Алматы қалалық жол полициясы Департаментімен бірге жаяу жүргіншілермен түсіндірме жұмыстарын жүргізді. Бірнеше рет рейдке шыққан кезде адам баласының қамсыздығына куә болдық. Арасында жолды рұқсат етілмен жерден өтсе де, өз әрекетінің заңды екенін дәлелдеушілер де кездесті. Балаларын жетектеп алған жол ережесін бұзушылар да, бассыздығы шектен шыққандар да болды. Тіпті жол полициясы қызметкерлерінен де аяқ тарпайтындарды байқадық.

kids.jpg

Аталмыш жұмыстар «Мектепке апарар жол» атты бағдарлама аясында жүргізілді. Салдарынан балалар зардап шеккен жол-көлік оқиғалары жиі тіркелетен қаламыздағы ең қауіпті жерлерде орналасқан білім ордалары қамтылды. Әсіресі, жол ережесімен әлі толыққанды танысып үлгермеген бүлдіршіндермен кездесулер өткізілді. Нәтижесінде пайдалы дәрістер оқылып, ережелерді үйренуге негіз болатын сыйлықтар үлестірілді.

«Номад Иншуранс» СК әлеуметтік маңызды жұмыстарды жүргізуге ниет білдіріп, Алматы қалалалық жол полициясы Департаменті тарапынан қолдау тапқаны үшін алғыс білдіреді. Бірігіп атқарылған жұмыстардың нәтижесінде ең болмағанда бір баланың өміріне төнген қауіпті сейілтсек - осының өзі біз үшін үлкен жеңіс. Ата-аналар, балапандарымыздың амандығы өзіңізге байланысты екенін ескертеміз!