Сақтандыру төлемі

Оқиға орнында:

• Көлік оқиғасы және зардап шеккен адамдар туралы жол полициясына (102 нөмірі бойынша) және сақтандыру компаниясына (2233 нөмірі бойынша) хабарлаңыз.
• Жол полициясы мен сақтандыру компаниясының авариялық комиссары келгенге дейін оқиға орнында болыңыз. Болған жағдай туралы құжаттарда барлығы шын мәнінде болғанындай жазылғанын қадағалаңыз.
• Егер оқиға нәтижесінде біреу зардап шексе, жедел жәрдем қызметіне қоңырау шалыңыз (103-нөмірі бойынша). Егер өрт болған жағдайда – өрт қызметіне қоңырау шалыңыз (101 нөмірі бойынша).
• Жол полициясы тексергенге дейін көлік құралын жылжытпаңыз.

Оқиғадан кейін:

• Болған жағдай туралы сақтандыру компаниясына кез келген ыңғайлы тәсілмен хабарлаңыз (компанияның сайтындағы колл-центрге – 2233 нөмірі бойынша).
• Егер болған жағдай туралы ауызша хабарласаңыз, осыдан кейін 72 сағат ішінде оны жазбаша түрде растаңыз – компанияның кеңсесіне келіп, сақтандыру жағдайы туралы өтініш жазу қажет.
• Зақымдалған көлік құралын (немесе бүлінген мүлікті) сақтандыру оқиғасы нәтижесінде болған жағдайда сақтандыру компаниясының қызметкерлері оны тексергенге дейін сақтаңыз.
• Сақтандыру компаниясының жазбаша келісімінсіз ақшалай төлемдер мен өтініштер жасамаңыз.

Назар аударыңыз: сақтандыру компаниясын 3 күн ішінде хабардар ету керек. Егер сіз сақтандыру компаниясына кейінірек хабарласаңыз, бұл сақтандыру төлемінен бас тарту үшін негіз болуы мүмкін.

Сақтандыру төлеміне арналған құжаттар тізімі:

• Сақтандыру төлемі туралы өтініш;
• Сақтандыру полисі (сақтандыру шарты) немесе оның көшірмесі. Егер полис жоқ болса, мына мәліметтердің бірін көрсету жеткілікті: сақтандыру компаниясының атауы, полис нөмірі, полистің берілген күні, сақтандырылушының аты-ЖӨНІ, автокөлікті мемлекеттік тіркеу нөмірі; сақтандырылған адамның немесе сақтандыру жағдайы кезінде көлікті жүргізген адамның жүргізуші куәлігінің көшірмесі;
• Сақтандыру жағдайының басталу фактісін және жәбірленушілерге келтірілген зиянның мөлшерін растайтын құжат;
• Жәбірленушінің уақытша еңбекке жарамсыздық мерзімі туралы денсаулық сақтау ұйымының анықтамасы немесе зардап шегушінің мүгедектігін белгілеу туралы мамандандырылған мекемелердің анықтамасының көшірмелері – ол белгіленген жағдайда;
• Жәбірленуші қайтыс болған жағдайда – жәбірленушінің қайтыс болуы туралы куәліктің нотариалды куәландырылған көшірмесі және пайда алушының зиянды өтетуге құқығын растайтын құжат (көшірме);
• Қылмыстық іс қозғау немесе қозғаудан бас тарту туралы қаулы;
• Пайда алушының (төлемді алатын адамның) жеке куәлігінің көшірмесі немесе заңды тұлғаның өкіліне берілген сенімхаттың түпнұсқасы;
• Сақтандыру жағдайы басталған кезде шығындарды болдырмау немесе азайту мақсатында сақтандырылған адамның шеккен шығындарын растайтын құжаттар (олар болған жағдайда);
• Тәуелсіз сарапшы жүргізген келтірілген зиянның мөлшерін бағалау жөніндегі құжаттар (олар болған кезде);
• Сақтандыру төлемін алуға сенімхат (қажет болған жағдайда).

Егер сіздің автокөлік ұрланған болса, келесі құжаттарды ұсыну керек:

• Автомобильді тіркеу туралы куәлік( техникалық паспорт), басқару және есептен шығару құқығына сенімхаттар, жүргізуші куәлігі;
• Айдап әкетілген көліктің түпнұсқа кілттерінің толық жиынтығы;
• Ұрланған автокөлік табылған жағдайда алынған соманы қайтару немесе көлік құралын сақтандыру компаниясына беру жолымен сақтандырушының сақтандыру төлемін жүзеге асыру бойынша шығындарын өтеу міндеттемесі бар сақтандыру компаниясының хаты;
• Автокөліктердің жану себебін көрсете отырып, өртке қарсы қызметтің құжаттары (егер өрт болса).

Егер сақтандырылған мүлік зардап шеккен болса

1. Оқиға туралы тиісті органдарға хабарлаңыз:
   • өрт кезінде-101,
   • ұрлық және үшінші тұлғалардың өзге де құқыққа қарсы әрекеттері кезінде-102;
   • псу құбыры, жылыту немесе кәріз желілері апаты кезінде-тиісті авариялық қызметтерге;
   • егер тұрғын үй сақтандырылған болса – ПИК-ке хабарлаңыз.
2. Залалды азайту үшін сақтандырылған мүлікті құтқару бойынша барлық мүмкін болатын шараларды қабылдаңыз;
3. Үш күн ішінде сақтандыру компаниясына оқиға туралы жазбаша хабарлаңыз;
4. Сақтандыру компаниясының өкіліне бүлінген мүлікті қарау және шығынның себептері мен мөлшерін тексеру мүмкіндігін қамтамасыз етіңіз;

Назар аударыңыз: сақтандыру компаниясын үш күн ішінде хабардар ету керек. Егер сіз сақтандыру компаниясына кейінірек хабарласаңыз, бұл сақтандыру төлемінен бас тарту үшін негіз болуы мүмкін.

Сақтандыру төлеміне арналған құжаттар тізімі:

• Сақтандыру төлемі туралы өтініш;
• Сақтандыру полисі (сақтандыру шарты);
• Жеке куәлік (жеке тұлға үшін);
• Сақтандыру төлемін алуға сенімхат (қажет болған жағдайда);
• Сақтандыру жағдайының басталу фактісін және залал мөлшерін растайтын құжаттар.