Астана тұрғыны автотұрақта өртенген автокөлік үшін 20 миллион теңгеге жуық қаражат алды
Номад Иншуранс үлкен өртте жанып кеткен Hyundai Santa Fe көлігінің иесіне келтірілген залалдың орнын толтырды.
Төтенше жағдай ағымдағы жылдың жазында Астана қаласының тұрғын үй кешендерінің бірінің жерасты тұрағында орын алды. Электр сымдарының қысқа тұйықталуына байланысты көлік тұтанып кетті. Өрт жақын маңдағы машиналар мен қоймаларға таралды. Өрттің ауданы шамамен 100 шаршы метрді құрады. ТЖМ-нің 70 қызметкері мен жиырмаға жуық техника өртке қарсы күресті.
Оқиға салдарынан үш адам зардап шекті - олар көміртегі тотығымен уланған, төрт автокөлік өртпен зақымданған, алтауы толығымен жанып кеткен, олардың арасында Номад Иншуранста каско арқылы сақтандырылған Hyundai Santa Fe жол талғамайтын көлігі бар. Фотосуреттерде көлікті қалпына келтіру мүмкін еместігін көруге болады.
Сақтандыру компаниясының клиенті 750 мың теңгеге каско полисін жасады, барлық ықтимал тәуекелдер, соның ішінде өрт, полисте көрсетілген. Сондықтан Номад Иншуранс автокөлік толығымен жойылған жағдайда сақтандыру шартында көрсетілген барлық соманы - 18 666 800 теңгені төледі.