Қазақстандықтарға сақтандырушымен дауды шешуге кім көмектеседі
Осы аптада қазақстандық сақтандырушылар, соның ішінде Номад Иншуранс, елордалық судьялар, заңгерлер және сақтандыру омбудсмені сақтандыру дауларын сотқа дейінгі реттеуді Астана қалалық сотында дөңгелек үстелде талқылады.
Бұл тақырыптың өзектілігі 1 қаңтардан бастап заңнамада жаңалық пайда болуымен түсіндірілді - сақтандыру компаниясымен келіспеушіліктер туындаған жағдайда клиент сақтандыру омбудсменіне жүгінуге міндетті. Ол сақтанушылар жеке тұлғалар мен шағын бизнес өкілдері болатын сақтандырудың барлық түрлері бойынша дауларды, қалғандарының барлығын - тек міндетті автосақтандыру шеңберінде ғана тегін реттейді. Бірақ маңызды шарт бар - сақтандырушы мен сақтанушы арасындағы келіспеушіліктер бойынша талап сомасы 10 000 АЕК-тен аспауы тиіс, бұл 2024 жылы шамамен 37 миллион теңге.
Сақтандыру омбудсмені немесе татуластырушы, құжаттарды зерделей отырып, даудың екі тарабын тыңдайды, залалдың мөлшеріне тегін бағалау жүргізеді және сақтандырушы орындауға міндетті шешім шығарады. Келіспеушіліктерді реттеу мерзімі екі айдан аспайды. Егер клиент омбудсменнің шешіміне наразы болса, онда ол сотқа жүгінуге құқылы. Қаржы нарығын реттеу және дамыту агенттігінің мәліметі бойынша, 2023 жылы омбудсмен 2802 өтінішті қарап, олардың тек төртеуі ғана сотқа шағымданды.
Қазақстанда сақтандыру омбудсмені институты 2007 жылы пайда болды. Бұл сақтандырушылардан тәуелсіз құрылым. Омбудсмен кеңсесі Алматыда, Рысқұлбеков көшесі, 28/7 (2 қабат) орналасқан. Өтінішті сақтандыру омбудсменінің сайтында да беруге болады.