Номад Иншуранс Сауд Арабиясындағы өрт үшін жарты миллион долларға жуық төледі
Сақтандыру компаниясы қайта сақтандыру шарты бойынша залалдың орнын толтырды.
Сауд Арабиясының шығыс провинциясында орналасқан "Mall of Dhahran" сауда орталығында өрт 2022 жылдың 13 мамырында болды. Оқиға кезінде ешкім зардап шеккен жоқ-өрт таңертең ресми ашылғанға дейін басталды, орталықтың қызметкерлері эвакуациялауға үлгерді.
Өрт дәнекерлеу жұмыстарының салдарынан орын алып, барлық сауда алаңдарының 10 пайызын жойды. Mall of Dhahran келушілер үшін тек бір жылдан кейін - 2023 жылғы шілдеде ашылды, ал өрттен зардап шеккен бөлмелер әлі де қалпына келтірілуде.
Мүліктік залалды өтеу туралы талапқа сәйкес сауда орталығын қалпына келтіру үшін қажетті жұмыстарға жұмсалатын шығындар көлемін тәуелсіз бағалау бір жарым жыл бойы жүргізілді және жалпы шығын 833 миллион сауд риалын құрады.
Қайта сақтандыру шарты бойынша Номад Иншуранстың залалдағы үлесі 1 миллион 850 мың сауд риалын немесе 492 мың долларды құрады. Сақтандыру компаниясы сақтанушыға тиесілі барлық соманы төледі.
2023 жылы компания қайта сақтандыру шарттары бойынша 263 миллион 514 мың теңге көлемінде залалды өтеді.
Номад Иншуранс өткен жылы Австралияда, Қытайда, Оңтүстік Кореяда, Мысырда, Ресей Федерациясында - әлемнің 30-дан астам елінде қайта сақтандыру компанияларымен 1875 қайта сақтандыру шартын жасасты.
Фото: arabnews.com