Номад Иншуранс Тараз локомотив жөндеу депосындағы өртенген сауықтыру кешенін жөндеуге өтемақы төледі
Кәсіпорынның сақтандырылған мүлкіне келтірілген залал 10 миллион теңгеден асты.
18 қарашада Таразда дауыл болды. Қатты жел локомотив жөндеу депосының сауықтыру кешенінің арқалықтары мен төбелерімен бірге металл шатырды бұзды. Ғимараттың төбесінің астына орнатылған сымдардың қысқа тұйықталуы болды. Өрт шықты. Бассейн, гардероб, бильярд бөлмесі және 123 шаршы метрлік ас үй өрттен жойылды.
Мүлікке келтірілген залал 10,3 млн теңгені құрады. Сақтандыру шартының талаптары бойынша франшиза көзделді, яғни сақтандырылушы өзіне алуға міндеттенген залалды өтеу бойынша шығындардың бір бөлігі «өрт» тәуекелі бойынша сақтандыру сомасының 10% -ын немесе 6,5 млн теңгені құрады. Номад Иншуранс локомотив жөндеу депосына сауықтыру кешенін қалпына келтіру үшін франшизаны шегергенде 3,8 млн теңге төледі.
Тараз локомотив жөндеу депосы «Қамқор локомотив» ЖШС филиалы болып табылады. Компания өз мүлкін – цехтарды, қоймаларды, гараждарды, қазандықтарды – бүкіл ел бойынша 200-ге жуық нысанды-Номад Иншуранста сақтандырды.
