Номад Иншуранс жылқымен ЖКО-ға ұшыраған жедел жәрдем көлігін жөндеуді өтеді
Сақтандыру компаниясы 2023 жылы жануарлардың қатысуымен жол-көлік оқиғасына ұшыраған өз клиенттеріне шамамен 54 миллион теңге төледі.
Апат таңертең Ақтөбе маңындағы тас жолда болды. Жедел жәрдем бригадасы Бауырластар тұрғын алабынан облыс орталығына шақырудан қайтып келе жатқан. Көлікте дәрігерлермен бірге ауруханаға алып бара жатқан науқас болған.
Облыс орталығына жақындаған кезде «жедел жәрдем» алдына жолға жылқы жүгіріп шықты. Жүргізуші тосыннан сасып қалып, жануарды қағып кеткен. Соққыдан жылқы сол жерде қайтыс болды. Көлікте ешкім зардап шеккен жоқ, бірақ Hyundai шағын автобусы айтарлықтай зақымданған - автокөліктің алдыңғы бөлігі сынған. Тәуелсіз мамандардың бағалауынан кейін Номад Иншуранс сақтандырылушыға 3,5 млн теңге төледі.
Қазақстандық жолдарда жануарлармен ЖКО үнемі болып тұрады. Тек 2023 жылы ғана, Номад Иншуранс шығындарды реттеу департаментінің деректері бойынша, сақтандыру компаниясының клиенттерімен осындай 19 апат болды - жүргізушілер көбінесе қараусыз жайылып, жолға шыққан жылқылар мен сиырларды соққан. Сақтандыру жағдайларының көбінде автокөлік иелерінің каско полисі болған және сақтандырушы оларға автокөліктерді жөндеу шығындарын өтеп, шамамен 54 миллион теңге төлеген.
